• ×

اليتيمة

زيادة حجم الخط مسح إنقاص حجم الخط



اليتيمة ســــــــــارة


(1) ( سارة أول ما بدأت تتعافى من إصابة الحادث )


يتيمة..يتيمة .. يتيمة من صحت كذا نادوهـا
يمكن تحلم ويمكن ! ويمكن أهلها نسوهـا
واقع..أنتِ يتيمة هم للأسف خبروهـــــــــــــــا
أهلك ماتوا أهلك ماتوا ... أهلك ماتوا كرروها
كيف..ومتى؟! أكيد ما أنا اللي تقصدوهــــا
أنتم من !! وين أنا ؟! وين أمي شفتوهــــــــا
أبوي وين هاهاها لا لا لا أكيد لعبة وتلعبوهـا
سارة ,,سارة ,, ياسارة نعم أنتِ يتيمة بلغوها

(2) ( سارة وقد استرجعت بعض من الحادث )

يعني أنا ما كنت أحلم لما كنا في السيارة
ولما أبوي تجاوز وكان كثير كثير يســــرع
ولما وقتها أمي قالت علامك يا أبو ســـــارة
الله يهديك بس شوي شوي أرجوك لا تسرع
ولما أبوي ضحك عليها وقال لها يا خســارة
تخافين أم سارة أسكتي لا الحين أطلعك برع
وبعدها .. وبعدها سمعت صوت اصطدام السيارة
لهذا أنا الحين هنا ... ياااااه هالخبر المفجع

(3) ( سارة في لحظة اقتناع بالخبر)

يعني الخبر صحيح .... أنا يتيمــــــة
يعني أمي ماتت وأبوي مات وأنا اليتيمــــــــــة
يعني من اليوم راح أكون الوحيــــــدة
يعني بكاء وشقاء وهم ودايم حزينــــــــــــــة
يعني ضياع ووداع وبيت بجدران كئيبة
يعني لا صباح الخير يا أمي الحبيبــــــــــــــــة
ولا تصبحي على خير طفلتي الجميلـة
يعني لو نـجحت ما أقول أمي وين الهديــــــــــة
وما أقول أبوي عيدك مبارك وين العيدية
ولا نضحك ونتغشمر ونلعب سوى مثل البقيــــة
ولا نطلع حدائق وسهرة حلوة عائليـــــــة
يعني اكتب عن الحنان قصيدة وداع ومرثيـــــة
أودع أبوي الأمان للأبد برحلته الأبديــة
وكلمــــة (أمي) خلاص صارت للأبد منسية
وها أبوي وتاج راسي..فديتها بنتي العسلية
يعني ويعني ويعني .... أريد ألحقهم حياتي منتهية

(4) ( ظهور الدكتورة مــــــــــــــرام )

أفاااا سارة من وين لك هذا الكــلام
لازم ولابد يا سارة تعرفي شي هام
أولا أنا الدكتورة واسمي مـــــــرام
يومين أنتِ بغيبوبة والحين ع ما يرام
أعرف انك سمعتي وايد من الكلام
واعرف تأثرتي وبكيتي .. والله حرام
تدري سارة الله يعين كل هالايتام
الله سبحانه خصهم عن باقي الأنام
وأوصى الرسول الكريم سيد الأنام
وأقولك شي مثير وملفت للاهتمام
دام الله معك وعين الله ما تنـــام
أكيد هذا بحد ذاته يشعرنا بالأطمئنان
وأنت بعدك صغيرة وطريقك قدام
لا تظني انك وحيدة لا.. لا .. حرام
ولا تخلي الحزن يكسر فيك العظام
انت قادرة تكوني صامدة في الاحتدام
انت اقوى بإيمانك بالقدر والختـــام
وطيب قلبك وحبك بتعيشي الوئــام
انت لو بغيتي توصلي فوق بالعــــــــــزام
سارة سارة أرجوك لا تعيشي الظــلام
بقولك شي خاص وخليه معك للأيـــــام
أنا يتيمة مثلك مثل باقي من الأيتـام
فقدت أمي وأبي وأنا طفلة تعيش السلام
والحين مثل ما تشوفي أنا الدكتورة مرام
رئيسة القسم تخصصي الكسور والعظام
يعني شي في حياتنا اسمه المستحيل .. اعدام

غالب الحبسي


بواسطة : عاشق السمراء
 0  0  27
جميع الأوقات بتوقيت جرينتش +4 ساعات. الوقت الآن هو 08:39 مساءً الثلاثاء 10 ديسمبر 2019.